Buku puniki kasurat matetujon nyayagayang matéri ajah sané manut ring aab jagaté, taler anut ring wewidangan kakuub palajahan basa lan sastra Baliné sané mungguh ring kurikulum. Buku puniki pacang prasida pinaka dasar kaweruhan lan kawagedan, sané kanggén nglimbakang paplajahan basa, aksara miwah susastra Bali ring sekolah menengah pertama wekasan sané pacang kaanggén ring pakraman. Sajeroning buku puniki madaging materi miwah parikrama paplajahan, gumanti anggén tuntunan nglimbakang kaweruhan murid-murid SMP sané jagi malajahin Basa Bali. Malarapan buku puniki kaaptiang mangda murid-muridé ngamolihang tuntunan sané becik sajeroning mlajahin basa, aksara, miwah sastra Baliné tur prasida terus kalimbakang.
