SINOPSIS:
Cakepan puniki madaging imba miwah tatatiti ngwacen lan nyurat aksara Bali, kewatesin wantah aksara Wrehastra. Tatujon ipun wantah ngardinin para alit – alit sane ngawit malajahin aksara Bali, mangda danganan. Santukan wantah ngelingang aksara Wrehasta kemanten sane pelekutus (18) saha pangangge aksara ipun. Aksara Wrehasta taler maduwe kawenangan anggen nyuratang pipil, urak, ilikita miwah paribasa Bali sane mangge sarahina utawi satwa.

Ring cakepan puniki kaptiyang kwacen dumun aksara utawi kruna, ngalantur kasuratang. Aksara sakeng ha, na, ca, ra, ka ngalantur kawewehin saka siki, miwah pangangge aksara ipun, tur kalanturang marupa lengkara miwah “paragraf”. Ring cakepan puniki taler kambil imba kruna lingga miwah lengkara saking Buku Purwa Aksara karangan I Wayan Simpen, AB.

Banget pangaptin pamupul dumogi aksara Baline sayan kasenengain olih alit – alite malajahin napi ngawinang, dwaning nenten katah aksara sane kaelingang. Yening sampun pascat ring aksara Wrehasta puniki jagi kalanturang ring aksara Swalalita. Kapi janten cakepan puniki durung marupa pastika patut, antuk punika pamupul banget nunas pangampura, miwah ring para Sujana, Sang Pascat ring aksara Bali sida ngawewehin cakepan punika mangda sayan becik.